Monday, June 27, 2011
29. කිසාගෝතමී
පැදුරු මිටිය වඩාගෙන
වාලුකා නගරයේ
ගෙයින් ගෙට යන ගෝතමී
තඹ කාසි අත්මිටක් හොයාගෙන
කිරිපිටි පැකැට්ටුව මිලට අරගෙන
ලෑලි මාලිගයට දුවන්නී.
පන්කොළ අතින් මොට කොට
ගිනි අව්වේ දැළිපිහා තල
කුරුළු පැටවුන්ට වලාකුළු සෙවණැල්ල
සදන්නී.
වැට කඩුල්ලක් සේ
පැල ඉදිරිපිට හිටගෙන
හිමි සඳ වඩී දැයි
අහස දෙස බලාගෙන හිඳින්නී
පාන්පෙති, කට්ටසම්බෝල බදාමෙන්
ගඩොළු බිත්ති ආමාශය
කපරාරු කරගන්නී
සඳ එළිය යට
වාඩි වී
පොල් ඉරටු සේ කෙට්ටු
ඇඟිලි තුඩුවලින් ඇය
සෙනෙහසේ කළාලය
ලෝකාවසානය තෙක් ම වියන්නීය
ගොම පොළොවේ
ගත එළාගන්නීය
මිනී ගඳ හීනයේ
විෂකුරුෂ පන් කටු
හදවතේ ඇඟිලි තුඩුවල ඇනෙන්නේ
තිගැස්සී අවදි වී
දරුවන් සිටී දැයි වෙව්ලමින් බලන්නී
උන් හොඳින් නිදනයුරු දැක
පන් මලක් වී මව්බිමට ම පිපෙන්නී
Subscribe to:
Post Comments (Atom)
පාන්පෙති, කට්ටසම්බෝල බදාමෙන්
ReplyDeleteගඩොළු බිත්ති ආමාශය
කපරාරු කරගන්නී ......කදිම උපමාරූපකයක්